Robot bat klasean?

Berri batzuk irakurtzen, oso interesgarria iruditu zaidan bat aurkitu dut "El mundo" egunkariaren web orrialdean. Klase ematen laguntzen duten robotak asmatu dira "Minirobots" izeneko enpresa baten eskutik; Robotaren izena Moway da.

Aurkikuntza honen funtsa teknologiaren ulermen errazago bat da. Helburu honen azpian, Minirobots enpresa tresna berritzaile bat garatu du, dimentsio gutxitako robot baten bitartez. Robot honek, maila ezberdinetako ikasleei laguntzeko prestatu da, bigarren mailako hezkuntza, unibertsitatea eta heziketa profesionalerako.

Ikerketa lan neketsu baten ondoren, 2008. urtean, robot berritzaile honen lehenengo eredua egin zen eta irakaskuntzaren nazional eta internazionalaren barruan sentsazioa gauzatu zuen.




Ikasleen erabilera errazten duten era ezberdinetako prestazioekin hornituta dago eta modu erraz eta grafiko batez programazio informatikoaren hizkuntza ulertzen laguntzen du. Fluxu diagramak egiteko aplikazio bat gaineratzen du eta horrela, programa informatiko bat nola egiten den irakatsi nahi da. Hori egin ahal izateko, softwarea, USB batetan grabatzen dugu eta gero robotarekin konektatzen dugu.

Robot hauen merkaturatzetik, euskal enpresa honek urtero 2.000 unitate saltzea lortu du eta honen ostean, bere merkatua Asia eta Latinoamerikara zabaldu dute.

Mowayren bitartez, ikasleak, gauzak buruan hobeto gorde ahal izango dituzte eta klaseko edukiak hobeto barneratu tresna praktikoago baten bidez. Autonomia pertsonala eta motibazioa bultzatzen du teknologia eta ordenagailuen munduari begira eta taldean lan egiteko erraztasunak eskaintzen ditu.